2011/09/09

ZAINDU INGURUNEA

Ingurunea zaintzeaz eta gipuzkoarrek aisialdia naturan asetzeko duten beharrari erantzuteaz gainera, Pagoetako Parkeak dituen helburu nagusietako bat herritarrak izadira eta nekazal girora erakartzea da. Azken batean, jendeak gure ingurune naturala hobeto ezagutzea eta, hartara, errespetatzen eta zaintzen ikastea bultzatu nahi du Parkeak.

Zenbait aholku praktiko:

  • Pagoetako Parkean ibiltzea pentsatuta baduzu, ez ahaztu oinetako egokiak eta euritako zamarra eramatea.
  • Landareak errespetatu itzazu eta animaliak ez zirikatu.
  • Ez ezazu surik egin horretarako egokituta ez dauden lekuetan.
  • Ez utzi hondakin edo zaborrik mendian.
  • Aintzat hartu basozainak eta bete haien esanak.
  • Kontutan izan zu ez zarela Parkearen erabiltzaile bakarra

Parkean badaude atseden lekuak edo jateko tokiak mahaiak, parrillak, iturria, komunak, umeentzako jolaslekua eta aparkalekua dituztenak. Lagun iezaguzu hauen zaintzen, txukun erabiliz, denen onerako izango baita.